رحنا وجينا وجينا ورحنا تدريب ورا تدريب اتعلمنا وعرفنا
وفى تدريب منهجنا الجديد اتعلمنا حاجات كتير
منهجنا الجديد وثائقه ستة بالتأكيد
اساس نظرى بيبين منهجنا واصوله
اطار المنهج خير معين للتخطيط
اما اداة التقويم بتعرفنا طفلنا حقق ايه
دفتر تمارين تطبيقاته كتير
وبنك الانشطة مليان انشطة
اما دليلك يا معلمة بيحقق ليكى التنمية
ومنهجنا قلنا يا معلمة قيمى ذاتك تعرفى ايجابياتك وسلبياتك
قيمى ذاتك فى خمس مجالات
تخطيط تقويم مهنية اساليب تعليم وتعلم ومعرفة بالتخصص
والنتيجة اربع مستويات
مبتدئة ـ بتتقدمى ـ بتحققى ـ متميزة
وانتى مبتدئة وبتتقدمى لازم خطط تحسين
ونيجى على التقويم ادواته كتير
ملاحظة وشيتات وقوائم تحقق واداة للتقويم مستمرة
واداة التقويم المستمر الوانه ثلاثة متفقين
اصفر يعنى ايه يعنى طفلى جالى عارف ايه
اخضر يعنى ايه يعنى طفلى فى اول سنه حقق ايه
وردى يعنى ايه يعنى طفلى فى تانى سنه حقق ايه
ومنهجنا ثمانية مجالات ونواتجه خمس مجالات
وخططنا سنوية شهرية واسبوعية
وبرنامجنا اليومى فيه مرونه
يبدأ بالحلقة والافطار وينتهى بوداع وختام
ونشاطين جوه القاعة ونشاطين برة القاعة
ومراكز التعلم ووجبة خفيفة
من أمانى اختكم يارب اكون فيدتكم وكمان اسعدتكم
يارب تكونوا ناجحين وللمنهج محققين
ويارب تكونوا متفائلين وعن الاحباط مبتعدين
الأحد سبتمبر 25, 2011 11:12 pm